Spleis til inntekt for flyktning-kolonne mellom Polen og Norge
– Responsen er heilt enorm, fy flate for eit godt folkeslag me er! Med det som kjem inn på spleisen betyr det at eg kan gjera enno meir, seier Egil Fjelstad Smith på telefon frå Polen.
Publisert
Sist oppdatert
Egil Fjeldstad Smith frå Herøysund har reist til Polen for å bringe kvinner og barn på flukt til tryggleik. I samband med dette har John Magne Skibenes oppretta ein spleis.
Smith reiste før helga til Polen med ein minibuss og eigne midlar. Då han kom ned, og det viste seg at han hadde moglegheita til å hjelpe enno fleire, vart også behovet for midlar større. Det er i dette høve spleisen vart oppretta, for å dekke utgiftene med ei flyktning-kolonne frå Polen til Norge.
Annonse
Kolonnen frå Polen til Norge vil bestå av minibussen som Smith køyrde bort med, innleidde bussar, samt flyktningar med eigne bilar.
Hjelpe dei som treng det mest
– Bussane ein no har moglegheit for å få til Norge tar 900 kroner per person, og om ein skal få så mange som mogleg med til tryggleik blir vi nøydd til å be dei som kan om ei hjelpande hand og krone her via spleis. Eit av Egil sine premiss for reisa er å hjelpe personar som ikkje er rike eller velståande nok til å betale for denne turen på eigenhand, heiter det i prosjektomtalen.
Utgiftene går til drivstoff, mat og drikke til dei reisande, samt til leige av bussar. Måndag føremiddag var det samla inn nærmare 40.000 kroner.
Annonse
– All hjelp blir motteke med stor takk, skriv Skibenes på spleisen.
