Speidarane koser seg med heimeleir
Publisert
Sist oppdatert
Like før påskehøgtida gjekk Rosendal speidargruppe ut og oppmoda alle til å nytta påskeveka til overnatting i friluft.
– For den som ikkje har høve til å sova ute, er det berre å rigga seg til med sovepose i stova, sa dei vidare.
Annonse
Bakgrunnen var vissa om at mange kom til å vera heime denne påskeveka , og heimeleir kunne vera ein fin aktivitet for kven som helst.
– Bruk nærskogen, hagen eller balkongen. Den som ikkje kan eller vil leggja seg ut, kan ha leir i stova. Spisebordet kan bli ei fin hytte for små eventyrarar, foreslo Gunn Kleppe frå Rosendal Speidargruppe.
Heimeleirmerket er nettopp lansert, og alle som blir med på overnatting i sovepose i påskeferien, aleine eller saman med familien, gjer seg fortent til merket. Ein tar kontakt med Gunn i Rosendal Speidargruppe innan 15. april for å få merket gratis.
