Sommarope basseng på Husnes
Symjegruppa i Trio har lenge hatt eit sterkt ønske om sommarope basseng. Denne sommaren lovar ordførar Peder Sjo Slettebø å innfri ønsket.
– Det er viktig for dei som driv med denne idretten, og eit viktig tilbod for alle andre innbyggjarar. Det er jo ein risiko at det ikkje blir badevêr, seier ordføraren.
Artikkelen held fram under annonsen.
Etter eit møte med symjegruppa bad han administrasjonen finna ei løysing for å halda symjebassenget på Husnes ope i sommar.
– Administrasjonen seier at vi skal få det til. Det er veldig kjekt å innfri eit så sterkt ønske, og no håpar vi dette vert til glede for dei som trenar og andre. Etter sommaren får vi vurdera korleis det har gått, og korleis vi skal gjera det i framtida, seier Slettebø.