Sommarmote, trendar og kroppspositivitet: Diana Ousdal med på nysatsing med motemerket Zizzi
«Bli sommerklar med Marthe og Diana Ousdal» heiter programmet som blir live-strøyma på nett tysdag 14. juni. Dei som føl med vil mellom anna bli guida gjennom sommarens heitaste trendar.
Publisert
Nettarrangementet blir formidla som det første Zizzi Live i Norge. Programmet blir leia av Marthe Volden som er butikksjef for Zizzi i Trondheim, medan Diana Ousdal, DIY-dronninga og kvinna bak den populære Instagram-profilen med same namn, er med som gjest.
– Zizzi spurte meg om å bli med på ei livesending etter at eg hadde starta eit samarbeid med dei på Instagram. Så for ei veke sidan var vi i Oslo for å ta promobilete og videoar, og den 14. går turen nok ein gong til tigerstaden for å laga sjølve sendinga, forklarar Ousdal, som er busett i Omvikdalen.
Annonse
Ho medgir at ho alltid har hatt ein draum om å vera programleiar, skodespelar og modell.
– Og i mitt 40. leveår skal eg endeleg leva ut draumen, ler ho.
Kroppspositivitet
Zizzi spesialiserer seg på kvinneklede i storleikar frå 42 og oppover, og i live-sendinga skal dei vise årets plus size-sommarmotar. Diana skal elles fortelja korleis ho har funne vegen til å akseptera og lika kroppen sin.
Annonse
– Alle kvinner skal få lov å føla seg fine, uansett fasong og vekt, slår Ousdal fast.
Dei som vil følgja med på livesendinga vil mellom anna kunne delta i konkurransar og anna kjekt. Det blir ein festkveld med sommartema, lokkar Zizzi på Facebook.
