Sommarles 2024: Bli med på årets leseeventyr
Om berre nokre dagar går startskotet for årets leseeventyr, Norges kulaste lesekampanje Sommarles startar 1. juni.
Frå laurdag av kan alle 1.-7.-klassingar i kommunen, saman med born frå heile Norge, blir med på sommarles, fortel biblioteket i ei pressemelding.
– Sommarles har vore ein stor suksess gjennom fleire år, og i fjor deltok over 166 000 barn. Vårt mål er ikkje at flest mogleg skal lese flest mogleg bøker, men at flest mogleg skal få kosa seg med lesinga og oppdaga kor mykje spennande og kjekt som finst i bøkene. Sommarles er eit ypparleg middel for kortreist ferie, for bøkene tek deg med til andre stader allereie frå fyrste side, seier barnebibliotekar Cecilie Elisabeth M Vestbøstad.
Annonse
«Super awsome vitenshow»
Bøkene som borna låner på bokbussen i juni får lånetid fram til midten av september, så det er berre til å plukka med seg bøker for å lesa. Sommarles varer til 31. august, men leseeventyret er ikkje over av den grunn, kjem det fram vidare i pressemeldinga.
– På måndag 9. september vert det Sommarlest-fest på kvelden. Her får me besøk av Roe Lauvås Jr. som skal halda eit «super awsome vitenshow» for oss. Det gler me oss veldig til, og me håpar at brannalarmen ikkje vert utløyst undervegs. Han lovar eit show som er 100% lærerikt, 200% eksplosivt og 3000% gøy, fortel Vestbøstad avslutningsvis.
