Sommarfest for heile familien
Denne veka går Sæbøvikfestivalen av stabelen. Det byrjar allereie tysdag kveld og varer heile veka ut med kjekke aktivitetar kvar dag.
Publisert
«Ein sommarfest for heile familien med stor sjømatbuffè, et så mykje du vil!» skriv arrangørane på Facebook.
Tysdag startar festivalen med show med «Han innante».
Annonse
Onsdag er det quiz før trubadur Ørjan Vatne blir å sjå på scena.
Torsdag er det duka for familiearrangement med «scenen er din» før det er kaifest med gruppa «The Bruuds».
Fredag er det tid for høgdepunktet – nemleg den store krabbe- og rekefesten før det blir livemusikk og dans på kvelden. For barna er det ein aktivitetspark med mellom anna hoppeslott og sukkerspinn.
Laurdag kan ein få med seg mellom anna frukost i teltet, fiskekonkurranse, sjørøvarshow, grilling og basar. Bandet «Splint» spelar både fredag og laurdag kveld.
Annonse
På menyen står mellom anna lubbesild, krabbeklør, makrell, reker og varmrøykt laks.
Arrangørane lovar underhaldning, allsong og dans i teltet, og sitteplassar til alle.
Det vil gå nattbuss til Husnes både fredag og laurdag kveld.
