Som Champagne, så Hardanger
I mai, midt i bløminga, blir det også i år spelt opp til innhaldsrike og feststemte dagar med Hardanger Internasjonale Siderfestival.
– Målet med siderfesten er å spreia kunnskap og synleggjera norsk sider endå meir, seier Ingvild Ystanes styremedlem i HIS, i ei pressemelding.
Dette for å stø opp under siderprodusentane sine store ekspansjonsplanar. Etter å ha vunne ikkje mindre enn ni internasjonale medaljar under den internasjonale siderkonkurranse i San Sebastian i fjor, jobbar siderbøndene i Hardanger no med å etablera Hardanger som merkevare på linje med Champagne, kjem det fram i pressemeldinga.
Annonse
11.-13. mai vert Hardanger og Smelteverket i Odda fylt med matmarknad, siderkursing, kokkar frå øvste hylle, bokslepp, konsertar, og ikkje minst, siderprodusentar frå både heile landet og resten av Norden, står det vidare i pressemeldinga.
