Solid start på året for Eqva
Selskapet Eqva ASA, som mellom anna eig BKS på Sunde, kan melda om gode resultat i første halvår av 2023.
Publisert
Sist oppdatert
Eqva ASA er ein kunnskapsbasert aktiv eigar av ingeniør- anleggs - og serviceverksemder som bidreg til den grøne omstillinga i maritim, kraftintensiv og fornybar industri. Sentrale selskap i konsernet er BKS Industri, Hayvard Leirvik og Fossberg Kraft.
I første halvår av 2023 kan dei melda om inntekter på 427 millionar kroner og eit EBITDA (driftsresultat før avskrivingar) på 12,1 millionar kroner. Dette er ei auke frå i fjor, då driftsinntektene var på 327 millionar og EBITDA var på 2,1 millionar. Hovudårsaka til dei auka inntektene er ei auke i aktiviteten på nøkkelprosjekt som har ført til ei monaleg vekst i både volum og margin i segmentet «Products, Solutions & Renewables», kan vi lesa i ei pressemelding frå Eqva ASA.
Annonse
– Vi er stolte av både resultata og innsatsen til våre tilsette i ei tid med krevjande marknadsforhold, seier konsernsjef i Eqva, Erik Høyvik.
I Maritime Services har dei fullført fleire prosjekter og lukkast med å tilpassa seg krevjande marknader, mellom anna ved å lansera kostnadssenkande initiativ.
Framtidsutsikter
I løpet av 2023 har Eqva gått gjennom ein del strategiske initiativ for å posisjonera seg seg for vidare vekst.
Annonse
Mellom anna har dei signert ein intensjonsavtale om samanslåing med Kvinnherad Elektro AS, som inkluderer både drifta og selskapet sitt 51% eigarskap i Vassnes Solution AS.
«Denne forretningskombinasjonen inneber at Eqva blir ei leiande leverandør av ingeniørtenester, sveising, kraft og automasjonstenester i Vest-Noreg. Eqva reknar med eit årleg omsetningspotensial på om lag 1 milliard kroner» heiter det i pressemeldinga.
Eqva har ei full ordrebok, og det lovar godt for andre halvår av 2023. Konsernet forventar å oppretthalde den høge aktiviteten.
– I usikre tider dukkar det opp moglegheiter for leiande aktørar med berekraftige forretningsmodeller som Eqva. Vi held på vårt positive syn på framtida og vil fortsetja å fokusera på å utvida vårt tenestespekter, driva langsiktig vekst og sørga for verdiskaping for våre aksjonærar og andre interessentar, seier Høyvik.
