Snøggbåtar, helsehus og kai i Åkra

Kommunestyret skal samlast for fyrste gong i år torsdag 15. februar. Møtet startar med orienteringar frå Kvinnherad vidaregåande skule og Krisesenter vest. Deretter brakar det laus med ei lang sakliste, som byr på følgjande innhald:

Uttale til snøggbåtrutene, status for helsehuset på Husnes, rydding av balanseførte fond, revidert samarbeidsavtale med Friluftsrådet vest, nyval av representantar til SIM, val til eigedomsskattenemnder, val til IKA-Hordaland, val til reglementutvalet, evaluering av husleigesatsar for kommunale bustader, bestandsplanområde for hjortevilt, bruk av kamera på Husnes stadion, ny kai i Åkra, evaluering veteranplanen, nye etiske retningslinjer for tilsette i kommunen, prinsipp for arbeidstøy, overordna arbeidsgjevarstrategi, og konstituering av kommunedirektør.

Det er også kome to ettersendte saker; etablering av felles næringshage med Ullensvang, og søknad om mellombels fritak frå politiske verv frå Kent Are Kjørsvik Petterson (V). I tillegg kjem spørsmåla og den eine interpellasjonen som kommunestyremedlemmene leverer inn.