Snø og isleik i Åkra
I det nydelege vintervêret onsdag fekk skuleelevane og barnehagebarna i Åkra halv utedag.
Publisert
Sist oppdatert
Under utedagen stod ski og aking på programmet. Nyleg var dei også og gjekk på skeiser.
«Det er gode tilhøve for slikt rett utanfor oppvekstsenteret. Førre veke var oppvekstsenteret på skeiser på Skrommetjødna, omlag 10 minuttars biltur unna. Der fekk alle prøva seg på skeiser, både skuleelevar og barnehage. Dette var ein flott dag. Takk til Kristin Skromme for varm kakao og Renate Weberg for nylaga bollar», helsar Anita Oppedal ved Åkra oppvekstsenter.
