Småbåt med motoren i gong låg til kai i Rosendal, utan førar

– Fleire hjelpte til med å undersøka om det hadde hendt noko gale, og vi freista å finna føraren av båten, utan hell, fortel politistasjonssjef Sigurd Børve.

Båten låg ifølgje Børve innanfor galeasen Gurine.

Politiet håpar enno dei vil få opplysningar som kan forklare kvifor den førarlause båten stod i gong.

– Når ein kjem over ein båt som står og går kan det vera grunn til uro. Så om nokon har opplysningar om dette set vi pris på om dei tek kontakt, slik at vi får avslutta saka, sluttar han.