Sluttar med daglege oppdateringar av koronapasientar

Helse Fonna slutta torsdag med daglege oppdateringar av kor mange pasientar med covid-19 som er innlagde i helseføretaket.

Onsdag sendte Helsedirektoratet ut ei melding om at helse- og omsorgsdepartementet har bestemt at Helsedirektoratet ikkje lenger skal ta i mot rapportar frå dei regionale helseføretaka om pasientar innlagd på sjukehus med covid-19.

Dette er rapportar som helseføretaka fram til no har rapportert inn dagleg.

– Det betyr at Helse Fonna ikkje lenger kjem med dagleg rapportering om koronapasientar på våre nettsider, skriv Helse Fonna i ei pressemelding.