Slo ring om basseng og symjeopplæring
Presidenten i Norsk Livredningsselskap sette seg i bilen og køyrde eins ærend til Rosendal for å bli med å slå eit slag for symjeopplæringa i Kvinnherad.
Publisert
Sist oppdatert
Det var FAU ved skular og barnehagar som nyttar seg av bassenget i Rosendal som på kort varsel tromma saman ein aksjon for å visa kva dei meiner om kuttet i drifta av basseng og symjeopplæring i skulane i Kvinnherad.
– Både skulane og barnehagane ynskjer meir tid i bassenget, kunngjorde Solfris H. Siqveland til dei mange meiningsfellane som var møtte fram ved bassenget i Rosendal tysdag ettermiddag.
Annonse
Komtetansekrav
President i Norges Livredningsselskap Claire Alfonso hadde køyrt over fjellet tysdag for å ta del i demonstrasjonen på tysdag, saman med dagleg leiar Stig Nicolaisen og fagansvarleg småbarn, sjølvberging og livredning Torill Hindmarch. Sistnemnde var allereie i Rosendal for å ha kurs for barnehagebarn og -tilsette denne dagen.
– Sidan 1906 har Norges Livredningsselskap jobba med å læra folk opp til å kunna ferdast trygt på sjøen. I 2008 fekk ein faktisk gjennomslag for å få inn i læreplanane for skulane. I dag har ein i læreplanane at elevane skal klara kompetansekrava i symjing, og dei seier at barna skal lærast opp til å kunna ferdast trygt ute, påpeika Alfonso.
Ho fortalte dei frammøtte at drukningar i Norge skjer for det meste ute, og at heile 80 prosent av dei som druknar her til lands er symjedyktige.
Annonse
– Det er sjølvberging i vatn som er viktigast for alle å meistra. Me som foreldre har eit ansvar for å hjelpa dei til å ferdast trygt ved og på vatn, la ho til før dei frammøtte spreidde seg rundt bassenget for å visa at dei slo ring om bassenget og symjetilbodet.
– Umogeleg å nå målet
I neste skuleår blir bassenget ope frå 18. september og ut april.
– Å nå kompetansemåla for andre klasse etter berre fem gongar i bassenget i det skuleåret, er i realiteten umogeleg å nå, seier presidenten i den drukningsførebyggande organisasjonen.
– Internasjonal forsking på intensiv symjeundervising, der barn fekk seks månader med symjing fleire gonger i veka, etterfølgt av seks månader der dei ikkje fekk oppsøka vatn og symja. Ingen av barna kunne symja etter den pausen, refererer Alfonso.
Blant dei mange frammøtte var Stephanie Gjelseth, leiar av lokallaget Fonna svømme- og livredningsklubb, og heile fem lokale legar, inkludert kommuneoverlege Glenn A. Opland, som alle viste at dei meinte symjeopplæring er viktig.
Annonse
– Lovpålagte mål som me ikkje når. Den nye læreplanen burde ha styrka talet timar til denne undervisinga, for å sikra at ein når kompetansemåla. Det har han ikkje gjort, sukka Alfonso avslutningsvis.
