Slik ser det ut på rasstaden
Patruljen som er på rasstaden har delt foto frå snøskredet. Ein gravemaskin er mellom anna ført fleire hundre meter av garde.
Publisert
Sist oppdatert
– Det pågår eit anleggsarbeid på staden, men det var ikkje arbeidarar som jobba der raset trefte i dag. Gravemaskinen stod eit godt stykke oppe i terrenget, og er ført nedover av massane, det er skildra at han stod «nokre hundre meter oppe i terrenget». Maskinen var ikkje i bruk då raset gjekk, melder Knut Dahl-Michelsen, operasjonsleiar ved Vest politidistrikt.
Bilen som kan sjåast på bileta stod nede på vegen.
Annonse
– Den var tom og ikkje i bruk då raset gjekk over vegen. Patruljen vår har vore på staden og undersøkt forholda, samt snakka med første bilist som kom til staden etter at raset hadde gått. Det er ingen indikasjonar på at personar er tatt av raset, opplyser Dahl-Michelsen i samband med bileta som er sendte.
Vegen er no heilt stengt.
– Vegtrafikksentralen er varsla, og dei tar videre oppfølging med rydding og vurdering av når vegen kan opnast igjen.
