Slik er tilsynssaka ved Rosendal Fjordhotel handsama så langt
Arbeidstilsynet kom ikkje til Kvinnherad for å utføra tilsyn ved fjordhotellet 3. august, slik dei først varsla. Dei skal no gjennomgå tilsendt dokumentasjon.
Publisert
Sist oppdatert
På førespurnad til Arbeidstilsynet får Grenda opplyst følgjande om handsaminga i saka så langt:
4. august sendte Arbeidstilsynet krav om opplysningar, kor dei bad om å få tilsendt «ein del dokumentasjon». Rosendal Fjordhotel fekk frist fram til 15. august for å senda inn den kravde dokumentasjonen.
Annonse
«Vi mottok dokumentasjon frå verksemda 14.08.2022. Denne vil no bli gjennomgått. Det vil dernest bli utarbeidd ein tilsynsrapport», opplyser Heidi Mehli, seniorrådgiver i Arbeidstilsynet i ein e-post.
Bakgrunnen
Som Grenda tidlegare har skrive, har arbeidsmiljøet ved hotellet ført til at fleire av dei fast tilsette har sagt opp jobbane sine, i hovudsak frå 1. juni og frametter.
Annonse
I samband med dette kunne seksjonsleiar ved Arbeidstilsynet, Marita Scott, fortelja at dei ville ta utgangspunkt i det verksemda sjølv såg som utfordrande i deira arbeidsmiljø.
– Arbeidstilsynet vil også ha fokus på korleis dei jobbar med å førebyggja meir konkrete hendingar og eksponeringar, slik at arbeidsmiljøet blir fullt forsvarleg, sa ho då.
