Slettebø blir ordførar, Myrvold varaordførar

Høgre får ordføraren og Senterpartiet varaordføraren, truleg i koalisjon med Kristeleg Folkeparti og Venstre.

Tysdag kveld vart Høgre, Senterpartiet, Kristeleg Folkeparti og Venstre samde om å arbeida for ein samarbeidsavtale, og samde om korleis dei øvste posisjonane skal fordelast.

– I hovudsak er me einige om ordførar og varaordførarposisjonen, opplyste Peder Sjo Slettebø (H) tysdag kveld.

– Me ynskjer å skapa eit styringsdyktig og breitt fleirtal. Sp og Høgre er samde i mange saker, og KrF og Venstre har me hatt gode samtalar med, sa Hans Inge Myrvold (Sp).

Otto Benjaminson (KrF) fortalde at dei ikkje er i mål med ein ferdig avtale, men at dei har hatt ein god tone i forhandlingane, og god tru på at dei i fellesskap skal få til eit godt styringsdokument.

– Samtalane starta i sommar med Høgre og Venstre, og det enda i ein intensjonsavtale. Det var naturleg å utvida samtalane til Senterpartiet, forklarte Otto Benjaminson.

 

Pragmatisk

– Me ynskjer ikkje den detaljstyrte planen, me vil finna fram til dei gode løysingane undervegs. I eit så breitt fleirtal som dette så blir det råd å føra ein pragmatisk politikk, sa Hans Inge Myrvold.

Han la til at det skal vera god takhøgd i dette samarbeidet.

– Det er prinsipiell usemje mellom partia på fleire felt, og det skal det vera. Elles hadde me ikkje vore ulike parti, understreka han.

– Me må ta veljarane si avgjerd ad notam. Me vil ha noko att for å vera med. Me