Sky Fitness opnar treningssenter på Helland – slik skal det sjå ut
Sky Fitness opnar døgnope treningssenter i dei tidlegare Møbelringen-lokala på Helland 21. april neste år.
Treningssenterkjeda Sky Fitness har frå før 35 treningssenter spreidd rundt omkring i landet, blant anna på Stord og Bømlo. No har dei bestemt seg for å satsa også på Husnes.
Artikkelen held fram under annonsen.
– Det blir eit stort og flott treningssenter. Eg var sjølv på besøk for å sjå på lokala tidlegare i år, og det er veldig flotte lokalar, seier administrerande direktør Erlend By Risa i Sky Fitness.
Treningssenterkjeda har blitt einige om ein leigeavtale i bygget som tidlegare husa Møbelringen på Helland.
– Her har vi eit stort lokale på 750 kvadratmeter som skal bli fylt med utstyr frå Technogym. Senteret blir døgnope og det er ingen bindingstid. Vi gler oss veldig til å kunna visa fram eit knallfint senter allereie til våren, seier Erlend By Rise.