Skredvarsel på nivå 4 – vegar kan bli stengt på kort varsel
Kvinnherad kommune gjekk søndag ut med ei oppmoding til innbyggjarane om å halda seg oppdaterte på utviklinga i vêr og på vegar.
Publisert
Sist oppdatert
– Statens vegvesen og Vestland fylkeskommune vurderer fortløpande situasjonen langs vegane i kommunen og tiltak kan verta sett i verk på kort varsel. Kommunen oppmodar alle innbyggjarar om å vera ekstra merksame og forsiktige, ta ansvar for snørydding på eigen eigedom og sikra at det er opne vassvegar, skriv Kvinnherad kommune i meldinga.
Dei ber også om at ein følgjer med i media for siste nytt, og for oppdateringar om korleis vêret utviklar seg.
Annonse
Bakgrunnen er først og fremst at vêrmeldinga viser stigande temperatur og regn, og skredvarselet for søndag er no på nivå 4.
Det er fleire rasutsette vegstrekningar i Kvinnherad, inkludert forbi Kroka og på vegen mellom Austrepollen og Nordrepollen.
