Skipssatsing kravd konkurs av tilsett

1. september opna Magnar Hellesøy kontoret til Green Ship Design i Rosendal. No er selskapet kravd konkurs av tilsett.

I følgje berammingslistene til Sunnhordland Tingrett skal det 16. februar haldast «rettsmøte til behandling av konkursbegjæring».

– Eg har ingen kommentar til saka før me har vore i tingretten, seier Jan Evald Sørensen Såtendal til Grenda, som står som eine parten i saka.

Grenda har ikkje lukkast å koma i kontakt med Hellesøy for å få hans kommentar til at bedrifta hans må møta i tingretten.

Grenda hadde ein fyldig sak på ambisjonane til Hellesøy samt sak på opninga av kontoret og presentasjonen av dei tilsette i månadsskiftet august-september.