Skipar til informasjonsmøte
Vestlands fylkeskommune vil koma i gang med utbetringa av Kaldestadvegen så fort som mogleg og inviterer til informasjonsmøte og eitt-til-eitt møte.
Publisert
Onsdag 5. juni i Festsalen kan dei som får eigedomen direkte rørt av reguleringsplanen for fylkesveg 5028 koma for å høyre om reguleringsplan og føremål, grunnerverv og byggefase, og eventuelt stilla spørsmål.
Torsdag og fredag etter møtet vil det vera høve til å delta på eitt-til-eitt møter med representant frå fylkeskommunen. Her vil det vera mogleg å stilla spørsmål knytt til eigen eigedom.
Annonse
«Vi ynskjer å kom ei gang med utbetring av Kaldestadvegen så snart som mogleg. For at dette skal la seg gjennomføre, må vi sikre oss tilgang til grunn og rettar som er naudsynte for prosjektet», skriv grunnervervar Paal Trygve Weeb Ritland i eit brev til Kvinnherad kommune.
Sidan utbetringa skjer i bakgrunn i ein vedteken reguleringsplan, gir dette Vestland fylkeskommune høve til å ekspropriera grunn og rettar. Dette håpar dei at ikkje vert tilfelle.
«Vi vil legga fram forslag til arbeidsavtalar som òg inneheld kartvedlegg knytt til kvar enkelt eigedom for areal som er naudsynt. Alle som har inngått ein arbeidsavtale med fylkeskommunen, vil i seinare tid få endeleg kjøpekontrakt der det økonomiske spørsmålet er vurdert», skriv Ritland.
Arbeidsavtalane vil ikkje ta stilling til eventuell erstatning, men er sikra gjennom at det økonomiske spørsmålet vil bli teke opp i ein rettsleg skjønn dersom partane ikkje vert einige om dette i seinare tid. Kjøpekontraktar er tenkt gjennomført til hausten.
