Sola skein og med kakao og sjokolade i sekken var det langt på veg fin påskestemning oppe i Fjellhaugen denne onsdagen, sjølv om ei dramatisk akeulukke sette ein dempar på stemninga for mange.

Skidag med påskestemning

Heile veka før påske var alle skulane i Kvinnherad invitert opp til skidag i Fjellhaugen skisenter. Onsdag tok Grenda turen opp for snakka med dei som hadde teke turen denne dagen.

Journalist i Grenda
Publisert Sist oppdatert

Trass i at dagen tok ei dramatisk vending, då to skuleelevar måtte bli henta av ambulanse etter ei akeulukke, klarte mange likevel å få ein fin dag ute. Både store og små var ivrige i skitrekket, medan andre valde heller å gå i lysløypa. Mange valde også å sitja og slappa av i påskesola med både sjokolade og kakao.

Denne gjengen frå Hatlestrand skule var på veg til å ta ein runde i lysløypa for å finna seg ein stad å eta lunsj.
Dei yngste i løypa denna dagen må nok ha vore gjengen frå Dønhaug Gardsbarnehage. Her er nokre av dei klare for ein ny runde etter å ha kost seg med både pølser og grilla marshmellows til lunsj.
Mange sat i sola og slappa av.
Desse jentene hadde funne seg ein fin plass i sola for å kosa seg med medbrakt niste og sjokolade. Frå høgre: Madeleine Lønning Berland, Marie Traavik, Merethe Gårder Eikeland, Julie Bjørkelund, Hanna Lillefosse og Zuzia Ostrowska.
Synne Tofte Guddal (t.v), Live Stensletten (t.h.) og Ingrid Aurora Kårstad (bak) tykte det var kjekt med skidag, sjølv om det vart meir avslapping i sola enn skikøyring.
Runa Stølsvik (t.v.) og Christoffer Røssland Hoem (.t.h) hadde det artig saman i snøen.
Det var ikkje berre i skiløypene aktiviteten var høg, også i akebakken vrimla det av ivrige akarar.
Ingrid Aurora Kårstad (t.v), Ann Cecilie Dasilva Yri (midten) og Elida Kaldestad Saghaug (t.h) kosa seg med god niste etter å ha aka, og var godt nøgd med denne typen skuledag.
Mange hadde funne seg ein fin plass i solveggen for å nyta den obligatoriske tursjokoladen.
nyhende utdanning ski skular barnehagar
Powered by Labrador CMS