Skannar fonna med radar
Delar av Folgefonna skal skannast med nytt utstyr festa til eit helikopter.
Publisert
Jostein Bakke, som er professor ved Institutt for geovitskap ved Universitetet i Bergen, har difor søkt om og fått løyve til å ferdast med helikopter i Folgefonna nasjonalpark i perioden 11. mars–1. mai.
Ifylgje søknaden til nasjonalparkforvaltaren er føremålet å kartleggja potensielle vassvegar under isbreen i eit varmare klima der breen minkar, og å stipulera ismengda i breen.
Annonse
Sidan 2008 har universitetet samla inn data på Nordfonna og Sørfonna med bruk av snøskuter og til fots. Det nye radarsystemet som heng under eit helikopter, gjer det no mogeleg å henta inn data også frå dei brattaste delane av fonna. I tillegg skal Midtfonna kartleggjast.
Løyvet omfattar fem turar, i tilfelle vêrforholda vert utfordrande. Vona er å gjennomføra alt på ein einaste tur. Arbeidet skal ikkje føra til ureining.
