Skal sprøyta på bjørnebærkratt frå drone
Uskedal bondelag har fått løyve til eit uvanleg forsøksprosjekt.
Publisert
Den 30. september sendte Norsk Landbruksrådgiving SA inn søknad om sprøyting av plantevernmiddel frå luftfartøy.
«I samband med forsøkssprøyting med drone, vil Uskedalen Bondelag søkje om løyve til å bruka dronar for å sprøyta mot bjørnebærkratt på bratte beiter i Uskedalen i 2025. Det skal berre sprøytast med eitt plantevernmiddel og éin gong», heiter det.
Annonse
Sprøytinga inngår i eit prosjekt eigd av Uskedalen Bondelag. Norsk landbruksrådgiving er leigd inn som prosjektleiar.
Utifrå kart som følgjer med søknaden, verkar det som at tre teigar skal sprøytast. Tidlegare har det blitt prøvd å ha geiter på beite i området.
Tomahwk
Allereie dagen etter svarte kommunen.
Annonse
«Kvinnherad kommune er samarbeidspart i prosjektet «Berekraftig plantevern» med dronesprøyting på bratte beite saman med NLR. Prosjektet har fått dispensasjon frå Mattilsynet til å testa sprøyting med dronar mot bjørnebærkratt i nokre utvalde bratte beite i Kvinnherad og Ullensvang», står det der.
Konkret gjev Kvinnherad kommune løyve til:
* Sprøyting ein gong med Flurostar 200 med dose: 200 ml/dekar eller Tomahawk 180
med dose 180 ml/dekar.
* Området som skal sprøytast er delar av gnr/bnr 125/12 og 124/6.
* Sprøytinga må gjennomførast vekstsesongen 2025.
