Skal kontrollera beltebruk i buss
Beltebruken i buss er alt for låg. Neste veke skal Statens vegvesen kontrollera bruk av belte i heile landet.
Publisert
Sist oppdatert
Sjølv om det er påbod om bruk av belte på buss, er det få som veit om det og som brukar belte på bussen.
Å «gløyme det» eller « gammal vane» er framleis dei vanlegaste argumenta for å ikkje bruke belte. Dette vil prosjektleiar for Belte i buss i Statens vegvesen Ingvild Ryengen-Bjerke snu på gjennom kontrollaktivitet, kommunikasjonstiltak og samarbeid med busselskap og bussjåførar.
Annonse
Derfor vil Statens vegvesen utføra ein landsdekkjande kontroll av bruken av belte i buss i veke 36.
– Det er viktig å auka bruken av belte i buss, og spesielt blant ungdom og unge vaksne. Målet vårt er at flest mogleg skal bli meir medvitne på beltebruk også i buss. Bodskapen er derfor «der det er belte - bruk det», seier Ryengen-Bjerke, og legg til;
– Bruk av belte i buss held deg på plass i setet slik at du ikkje er til fare for andre i ei ulukke. Det bidreg også til å redusera skader på deg sjølv.
Har du lyst å vera med på kontroll av beltebruk kan du ta kontakt med Ingvild Ryengen-Bjerke på telefon 920 15 233.
