Skal ha bite vakt i fjeset og spytta etter politimann

I følgje ein tiltale frå Haugaland og Sunnhordland tingrett skal ein mann ha blitt kasta ut frå ein utestad i Kvinnherad etter å ha sparka etter fleire gjester på utestaden. Beskjeden om utkasting skal han så ha teke særs dårleg. Oppførsel han no må svara på i tingretten.

I følgje tiltalen skal han ha slått fleire gongar i ein personbil som stod utanfor utestaden, og i tillegg delt ut eit par slag i overkroppen på ein passasjer i den same bilen. Mannen skal også ha bite vakta ved utestaden i ansiktet.

Men det stoppa ikkje der. Under transport til arresten i Odda, skal mannen ha spytta etter ein politibetjent, skubba ein annan politibetjent og kome med fleire trugslar mot dei to tenestepersonane.

Det er sett av éin dag til å behandla saka i Haugaland og Sunnhordland tingrett i mars.