Skade på breibandskabel

I meldinga står det at det er registrert ytre skade på fiberkabelen, og at mange kundar i området difor er ramma av manglande tenester.

Over telefon opplyser dagleg leiar Gunnhild Hillestad at det er ein kabel som skal forsyne Porsvik som har slitna.

– Kabelen det gjeld er ein luftkabel som går i krysset med avkøyrsla ned til Porsvik. Me er ikkje kjend med detaljane, men i dette tilfellet er det nok eit høgt køyretøy som på ein eller anna måte har teke oppi, fortel Hillestad.

– Det er om lag 70 kundar som er råka, og no er det i alle fall mange operatørar på staden som jobbar med å løysa problemet. Dei skal henge opp nokre nye spenn, og skøyte om 96 fiber, legg ho til.

Estimert rettetid er klokka 15.00.