Sjå video: Revestrekar på Steinsletto
To reveungar brukte torsdagskvelden på å utforska ein bakgard på Steinsletto i Uskedalen. Eigarane av bakgarden fekk fanga dei på film.
Publisert
Sist oppdatert
Eigarane er i dette tilfellet den ferierande Grenda-journalisten Karoline Gjerde Eik og ektemannen Bjørnar.
– Det var ikkje første gongen dei har vore på besøk, men første gong med to samtidig. Me såg dei nede på bakkane nedanfor oss, der dei dreiv og hoppa og grov i nyslått gras før dei kom til oppsida av huset, fortel Karoline.
Annonse
Då dei to revane slo seg laus i bakgarden i halv elleve-tida, var begge kjapt oppe med mobilane og filma dei.
– Dei gjekk rett forbi hønsehuset, heldigvis brydde dei seg ikkje om det. Det var fascinerande å sjå dei på så nært hald, men også litt ekkelt med tanke på hønene, meiner Karoline, som vurderer revane til å vera kring året gamle.
Huset deira ligg heilt opp mot skogen over Steinsletto. Derifrå går skogen heile vegen til fjells.
– Dei har eit enormt område å boltra seg på, men me har sett reven oftare i år enn det me har sett tidlegare. Dei er i grenseland nærgåande. Men akkurat desse to såg meir leikne ut enn to som var ute etter revestrekar, tykkjer ho.
