Det var mange som deltok på Kvinnheradløpet 2022.

Sjå kven som deltok på Kvinnheradløpet!

Denne søndagen var det fleire som tok merket for 40 år, og enno fleire som tok sitt aller første merke. Sjå biletserie frå det tradisjonsrike Kvinnheradløpet her.

Jorun Larsen
Publisert Sist oppdatert
Martine Kambe Måkestad tok sparkesykkelen fatt. Baktroppen bestod av vetlesøster Hermine i vogna, Ragnhild Løland, Sofie Løland og Mette Kambe.
Tordis Ustvedt, Olaug Sandvik og Torbjørn Sandvik nytta dagen på best mogleg vis. - Dei seier det ikkje finst dårleg vêr, sa Tordis. - Men det gjer det, lo ho.
Sander Dale Mehl gjekk solo på siste etappe av løpet.
Kvinnheradløpet er ein festdag. Kva høver betre då enn å kle seg i bunad?
Vesle Vårin vart frakta frå start til mål.
Vårin tittar fram frå mor Karoline Gjerde Eik si skulder. Saman med Bjarnar, Vebjørn og Gunnbjørg Eik kom følgjet blide ned frå Omshagen.
Mange trassa det låge skydekket for å delta på det 40. Kvinnheradløpet.
Olav Enge Bjørke og Aireen Engco hadde kledd seg etter vêret.
Mathea Gausvik (4) har cerebral parese, men gjekk heile løpet sjølv. - Det er ein fantastisk prestasjon, sa Astrid Irene Ljone (t.h.) imponert. Madeleine Lomeland støtta rosen fullt ut. Oppi vogna sat Runar (1,5 år), som deltok på sitt aller første Kvinnheradløp.
Runar Gausvik (1,5 år) hadde det godt og tørt inni vogna. Medan han smilte til verda utanføre, skunda spreke mosjonistar seg forbi.
Vilde og Helene sat godt i vogn og trille, medan Kristine Ljostveit Voster og Britt Eik Ljostveit såg til at dei kom i mål.
Ringrevane i Kvinnheradløpet hadde full kontroll. - Me må visa merkene våre då, sa Gunvald Friheim (i midten). Kåre Eik svara med å trekkja fram Kvinnheringen-logoen som var trykt på refleksvesten. Slikt blir det god stemning av!
Mange fekk seg merke etter å ha delteke på Kvinnheradløpet 2022.
Brage Vikøren Naustdal (6) var ein av dei som fekk merke. Han bur til vanleg i Bergen, men var i Rosendal på helgeferie. - Han har gått nokre år, men me har ikkje heilt oversikt. Men han debuterte iallfall som vognbaby då han var ni månadar, kunne far fortelja.
Det var spanande å sjå kven som skulle få dei forskjellige merkene.
Bjørg Frøystein Huse og Marit Friheim delte ut merke til alle som deltok.
Kristine og Georg Hestad gjekk over målstreken. Døtrene deira, Ingeborg og Signe, deltok i løpsklassen kor båe gjorde det godt.
Live Askeland Mehl (12), Symre Askeland Mehl (8) og søskenbarnet deira Sander Mehl var stolte over bestefar Jostein Mehl, som var ein av dei som fekk 40-års merke for å ha delteke kvar gong sidan løpet starta.
Nokre av deltakarane fekk meir gevinst enn frisk luft og mosjon denne dagen. Her fekk ein av dei heldige som vart trekt ut overrekt eit gåvekort på 1000 kroner.
biletseriar sport fritid nyhende rosendal friluftsliv
Powered by Labrador CMS