Sjå biletserie frå Løveleikane

Lions Club Kvinnherad, som har vore arrangørane dei siste fem åra, annonserte tidlegare i år at dei kom til å leggja inn årene med mindre dei fekk inn litt nye krefter i klubben, noko dei fortel at dei diverre ikkje har klart.

Ny vurdering

Det betyr at årets Løveleikar i utgangspunktet blir dei siste, med mindre Lions Club sitt siste forsøk på å føra leikane vidare kjem i mål.

– Eg har vore medlem her i 48 år og eg er no presidenten i klubben, så det er jo fortvilande at me ikkje har klart å halda han gåande. At det skulle stogge på mi vakt er keisamt, fortel Jan B. Ingvaldsen openhjartig.

– Men når det kjem til Løveleikane, så har me spelt det vidare til Trio og spurt om dei kunne tenkja seg å ta over arrangementet. Så det er noko som dei kjem til å ta opp til vurdering i styret, fortset han.

Ordførar Hilde Enstad var den som hadde fått det ærefulle oppdraget med å opna årets leikar, og også ho kom med eit håp om at dette likevel ikkje skulle vera siste gong.

I år slo Løveleikane seg saman med Norsk Forbund for Utviklingshemmede som samstundes hadde eit arrangement på Sunnhordland Folkekøhgskole, det resulterte i heile 85 påmelde. Og når dei i tillegg fekk strålande vêr vart det ein fantastisk dag på stadion.