For dei som tok turen på «Jul i Toragarden» på Sunde laurdag, var det umogleg å ikkje få julestemning. Her var det aktivitetar for både store og små. Til dømes hadde Røde Kors teke med seg snøscooterar som barna kunne få prøvesitja, noko Aron Herskedal Johnsen, Kasper Olderkjær og Gabriel Delos Santos Saghaug syns var stor stas.

Sjå biletserie frå då Sandra og Georg Røssland opna tunet sitt og inviterte til «Jul i Toragarden»

Både store og små strøymde til då Sandra og Georg Røssland inviterte til «Jul i Toragarden» på Sunde laurdag føremiddag. Sjå biletserie her!

Marthe Eide
Publisert Sist oppdatert
Mange trossa regnvêret og strøymde til då Sandra og Georg Røssland inviterte til julemessa «Jul i Toragarden» på Sunde laurdag føremiddag.
Omvikdalen bygdekvinnelag serverte julegraut.
Husnes skulekorps spelte flotte julesongar. Dirigent Kjell Skarsfjord kunne fortelja at alle utanom éin byrja i korpset i haust. Imponerande!
Emilian Kronstad Vasar (9) er ein av dei unge lovande i Husnes skulekorps. Han hadde gledd seg lenge til å spela på julemessa, men like kjekt var det å kjøpa seg sukkerspinn og bolle.
Mona Herskedal Fjelland og mor Marie Herskedal hadde rigga seg til å selde saueskinn og flotte puter sydd av Marie og mannen Odd Herskedal. På veggen hang det eit stort utval av stoff ein kunne velja seg ut, for gjennom familiebedrifta Odd Herskedal møbeltrekking syr dei med glede på bestilling.
Flotte puter i ull: - Det er første gang me står utstilt, for det er ikkje så lenge sidan eg og mannen min Odd byrja å sy. Me har ikkje annonsert det noko særleg, men likevel er det mange som har kjøpt puter, smilte Marie Herskedal.
Elevar frå Husnes ungdomsskule selte både kaffi og bollar i kiosken. - Me i tiande klasse har eit prosjekt der me skal hjelpa andre, så det er difor me er her i dag. Det er veldig kjekt, smilte dei. Frå venstre: Maren Haugland, Morten Kjerpeseth, Kristian Røssland og Sander Tofte.
Røde Kors hadde eiga stand der store og små kunne få eit innblikk i kva jobben deira går ut på. Her kunne ein eksempelvis prøva ut hjarte- og lungeredning, eller læra om og testa korleis ei søkjestang fungerer. Frå venstre: Hunden Bessie, Frode Anskar Grøvlen, Mariann Johnsen, Arrio Mehri, Ida Dolonen-Marthinussen og Ivar Berge-Soldal.
Arrangørane Sandra og Georg Røssland var stornøgd med dagen, og håpte «Jul i Toragarden» kunne bli ein koseleg tradisjon.
Det var tydeleg at Sandra og Georg Røssland hadde lagt til rette for at barna skulle få ein kjekk dag på «Jul i Toragarden». Saman sprang dei rundt og leika i snøen, kikka i salsbodene og fekk prøvesitja både snøscooter og brannbil. Seinare på dagen kom også nissen på besøk.
Dei små strøymde til då Kvinnherad brann og redning parkerte den tøffe brannbilen på tunet.
William Ripel Rogne (2,5 år) var blant dei som fekk prøvesitja i brannbilen. Dette var stas!
Renate Thorsen Røyrvik sine sjølvlaga produkt fylte eit heilt langbord. Ho selte alt frå makrame til betonglysestakar - alt laga på berre fire månadar.
Benedikte Gravdal Hjortland (t.v.), Iselin Tungesvik og Malin Blokhus var blant dei mange som tok turen til «Jul i Toragarden» laurdag føremiddag. - Me har kikka rundt i dei forskjellege salsbodene og ete graut. Det er viktig å støtta slike ting når det først skjer noko i kommunen, sa dei.
Gaute Vaage hadde med seg flotte juletre som han selde på julemessa laurdag føremiddag.
Blant utstillarane var også Ingunn Karlsen, som selde flotte korger handlaga av kvinner frå ulike landsbyar i Kenya.
Øystein Markhus og sonen Emil Markhus (5) hadde stadig kundar rundt bordet sitt. Dei selte mellom anna sjølvlaga juletre, stjerner og fuglar i tre.
familie og born sunde nyhende sosiale tilhøve høgtider fritid
Powered by Labrador CMS