Sist sett for 50.000 år sidan

Kometen er på veg mot jorda, og har ein tydeleg grøn hale etter seg. Det er meldt skyfri himmel i Kvinnherad fredag, og då har du altså ein unik sjanse til å sjå kometen. Ein må uansett ein bruka kikkert eller ha ein god zoom på eit kamera.

Det er mogleg å sjå kometen litt utover i februar, og 1. februar vil den vera nærast jorda, men likevel heile 42 millionar kilometer vekke. På same tidspunkt vil månen vera større og lyset frå månen gjera den vanskelegare å sjå.

Banen til kometen går mellom stjernebiletet «Karlsvogna» og «Nordstjerna/Polarstjerna», som er den klaraste stjerna i «Lille Bjørn». Så leitar du mellom Polarstjerna og Karlsvogna, kan du finna den.

Mykje tyder òg på at C/2022 E3 (ZTF) aldri vil passera jorda igjen, fordi den no er i ein bane som vil føra han ut av solsystemet vårt.