Sette ny trafikkrekord

Etter tilbakegangen i 2020, kom Folgefonntunnelen sterkt attende i 2021.

Aldri har så mange køyretøy susa gjennom Folgefonntunnelen som i fjor. Snittet per dag enda på 1.514 passeringar, noko som skulle bety ein total årstrafikk på 552.610. Den nye rekorden er kanskje noko overraskande sidan vi framleis er midt i ein pandemi, samt at trafikken faktisk gjekk ned frå 2019 til 2020.

Også 2021 starta med nedgang. Men frå og med mars var det trafikkauke i alle månader, med unnatak av oktober. Som vanleg er det om sommaren besøket er klart størst i Folgefonntunnelen. I juli var snittet til og med over 3.000 køyretøy per dag.