Senterpartiet si Hordaland-liste er klar: Toppe på topp

Kjersti Toppe har vore barne- og familieminister heilt sidan Støre-regjeringa tok over i 2021, og det var inga stor overrasking at ho fekk førsteplassen på lista. No takkar ho for tilliten frå nominasjonsmøtet.

– Fordeling, forvaltning og folkestyre, og å motkjempa utanforskap blant born og unge vil vera viktige saker for meg, seier Toppe i ei pressemelding.

På sekstande plass står Marianne Nordhus frå Kvinnherad. I fjor fekk Senterpartiet inn to kandidatar frå Hordaland, så det er lite truleg at Nordhus må flytta på seg.

– Kjersti Toppe er kjent som ein engasjert og prinsippfast politikar. Ho har gjennom mange år vore ein flott representant for Hordaland og har brei politisk erfaring, seier leiar i nominasjonsnemnda, Mette Heidi Bergsvåg Ekrheim.

Lars Fjeldstad frå Osterøy står på andreplass, og Hege Eide Vik frå Vaksdal hamna på tredjeplassen på lista.