Sel - ikkje segl

Vegen som tar til i krysset i Netlandsvegen og går til Segltangen hyttefelt, får vegnamnet Seltangen.

Bakgrunnen for det nye vegnamnet på Hatlestrand er at hyttefeltet er utvida.

«Eksisterande hytter har no vegadresse Netlandsvegen. Det er sett av for få adressenummer på Netlandsvegen til nye tomter, dersom ein skulle ha halde fram nummereringa slik den er i dag. Dei ville kome i konflikt med både brukt prinsipp og den nummereringa som er der no. Ei samla vurdering har gjort til at ein opprettar nytt vegnamn for heile hyttefeltet», skreiv kommunedirektøren i saksutgreiinga til forvaltningsutvalet.

Kommunen føreslo fyrst vegnamnet Segltangen, men det kom inn fem merknader. Alle merknadene gjekk på at nytt namn måtte vera Seltangen.

«Nokre argumenterte for at dette var rett i forhold til stadnamnet, som viste til neset i sjøen i enden på hyttefeltet. Dette blei undersøkt, og det stemmer at neset i sjøen heiter Seltangen i Sentralt stadnamnregisteret (SSR), og skrivemåten er godkjent og tilrådd i SSR», heiter det.

Forvaltningsutvalet gjekk samrøystes inn for innstillinga.