Seks vil bli fastlege i Rosendal: – Svært gledeleg
Kommunen opplever svært god søknad til den nye stillinga som fastlege i Rosendal. Sjå søkjarlista her.
Publisert
Sist oppdatert
Som kjent er 250 pasientar tilhøyrande helsesenteret i Rosendal for tida flytta til legar på Hatlestrand og Halsnøy, noko Grenda har skrive om ved fleire høve. Kommunedirektør Leif Ove Mikkelsen har tidlegare sagt at han vonar og trur flyttinga er kortvarig, då kommunen vil prøva å tilsetja éin fastlege til i Rosendal.
I kommunestyret på torsdag kunne han opplysa at det har kome inn heile seks søknader.
Annonse
– Svært gledeleg å sjå at Kvinnherad ikkje opplever dei same rekrutteringsvanskane som andre kommunar gjer. Eg har fått høyra at Kvinnherad har eit godt fagmiljø, og at det er ei av årsakene til at legar vil jobba her, sa han.
Veldriven
I stillingsannonsen var overskrifta «Fastlege i veldriven gruppepraksis ved Rosendal helsesenter».
«Kommunen har i mange år hatt ei god og stabil legedekning. For tida har vi 18 fastlegar i kurativ teneste, både med private avtaleheimlar og tilsett i kommunen med fastløn og prosentandel av pasientinntekter. I Rosendal er det i dag seks fastlegar i eit kontorfellesskap. Tre av legane er spesialistar i allmennmedisin. Vi har også ein medisinstudent to gonger i året i seks veker kvar gong», vart det opplyst.
Annonse
Det vart lagt til at kommunen no ynskjer å styrka teamet ved å tilsetja ein spesialist i allmennmedisin/lege i spesialisering. Tilpassa listelengd er 650-800 pasientar.
Søkjarane
Dei seks søkjarane er fordelt på fire menn og to kvinner.
* Mary-Ann Sommernes, 57 år, Bømlo, lege.
* Arne Eilertsen, 35 år, Bergen.
* Monzur Saikat, 34 år, Kvinnherad, turnuslege.
Annonse
* Asbjørn Årøen, 57 år, Lørenskog.
* Main Uddin, 45 år, Oslo.
* Malin Henriette Mæland, 31 år, Kvinnherad, fastlege.
