Satirisk lesarbrev om det digitale kommunestyremøte

Underteikna var flue på veggen då "Kommunestyret" øvde seg på DIGITALT møte. Sterkt overdrive, med eit godt snev av sanning:

Kommunedirektør:     Bente Høyland, sekretær, er du der?

 

(skurr og pip, meir skurr og pip)

 

Kommunedirektør:    Bente Høyland, kan du høyra meg?

Oddvar Eikenes (IKT-hjelp):     Ho er visst på ei anna digital flate!  Kan du logga deg av Facebook?

 

(skurr og pip, meir skurr og pip)

 

Bente Høyland, sekretær:     Då høyrer eg meg sjølv, kan andre høyra meg?

Gaute Lund:   Nei, eg kan ikkje høyra deg, men biletet av deg dekkjer halve skjermen! Då kan du trykka på Escape, Control Alt Delete, med Caps Locken på, medan du held ENTER halvvegs inne i 2 sekund. Sånn ja, der var du på!

 

(klikk og skurr, meir surr)

 

Kommunedirektør:   Takk, Gaute!

Bente Høyland, sekretær:    Då tar me opprop! Stein Olav Ølvestveit?

 

(stille)

 

Bente Høyland, sekretær:    Ikkje, nei det blei visst aldri løyvde, dei pengane til breiband Baugstranda!

Bente Høyland, sekretær:    Clara Hveem!

Clara Hveem:        Ja, høyrer du meg?

Bente Høyland, sekretær:   Flott, då var me i alle fall 1 frå Senterpartiet! Er det andre frå Senterpartiet?

Knut Prestnes:     Hallo, Knut Prestnes her, har eg kome til idrettshall-styremøtet?

Kommunedirektør:  Knut, koffor i svartaste granskogen har du hamna på kommunestyremøtet vårt?

Oddvar Eikenes, IKT:   Teknikken har kome så langt no, at om nokon ØNSKER STERKT å bli med i eit møte, så blir det fanga opp av ein sensor i maskina....

Bente Høyland, sekretær:  Logg degg av, Knut!   Er det noko frå FRP her?

 

(skurr, barneskrik og meir skurr)

 

Kommunedirektør:   Det ser ikkje sånn ut!  Eg lurer på koffor dei kallar seg FREMSKRITTSPARTIET viss dei ikkje eingong klarer å logga på digitalt?

Bente Høyland, sekretær:    Asbjørn Skår, er du der?

 

(stille som mus)

 

Bente Høyland, sekretær:  Synnøve Solbakken?

Synnøve Solbakken:  (langt borte!)   Eg er her, håpar kamera er på!

Kommunedirektør:  Eg både ser og høyrer, minner om at det finnast ein CHATTE-FUNKSJON på sida der. Når det blir alvor i morgon, er reglane slik:

 

(skurr og skurr, klikk, klikk)

 

Asbjørn Skår:   Asbjørn Skår her, frå det kongelege norske Arbeiderpartiet, eg lurer på koss me skal gjera det med avstemminga i morgon, skal me sjå kven som skrik høgast?

Kommunedirektør:    Eg held fram, i morgon må dåke skriva spørjeteikn i chatten om du har spørsmål, eitt utropsteikn om dåke har innlegg, to utropsteikn om du har replikk, tre utropsteikn om du har sjikane og smilefjes om du har tenkt å vera humoristisk. Dette siste gjeld berre representanten Gunnar Våge, Senterpartiet.

Bente Høyland, sekretær: Har eg då ropt opp alle? Dei som ikkje har blitt ropt opp no, gjer det no!

Virvar:    Marit Årthu- Svein Van-Thea- (skurr) Synnøve Handela-Utne_ Øyvind Zimmermann

Kommunedirektør:  Berre skriv noko i chatten, så ser me dykk!

Gunnar Våge:   Eg er her, hugsa kleskode i morgon, folkens! HA-HA

Kommunedirektør: Då er eg heilt trygg på at dette fungerer i morgon. Hørte eg ein stein på ruta? Eg berre går for å sjå, venta litt! Det står 3 personar og viftar med eit norsk flagg!

 

(30 sekund, heilt stille)

 

Kommunedirektør:  Ove!  Ove Lemicka! Det var visst Fremsrittspartiets si gruppe som har misforstått, dei hadde ikkje fått med seg at møtet var digitalt. Oddvar Eikenes, IKT, set av føremiddagen i morgon til å læra opp dei!

Gaute Lund:  Viss alle no avsluttar slik eg seier, så kjem det røyk opp av maskina:  Hald inne INSERT, trykk PARAGRAF-TEIKNET i 6 sek, rista på maskina-  slå litt hardt på CAPS-LOCK

Hege Røssland: Det ryker!

Asbjørn Skår:  ....tenkte litt på dette med avstemminga.....

 

(skurr og pip)

 

Leif Sverre Enes:   Eg kan ta oppvasken, eg...... Oi, no må eg visst slå av mikrofonen. Møtet er over......

 

Satirisk lesarbrev av Ottar Avvik, politisk kommentator i nettsida "Tett på".