Samling for brystkreftråka: – Ein veldig god start

– Det var sju stykke som kom, i tillegg til oss tre. Det var nokre det ikkje passa for, og me har også fått nokre henvendingar i etterpå. Me var dermed ein god gjeng på den første samlinga, og dette er jo berre starten. Det var ein veldig god start, fortel Solli.

I løpet av samlinga var Frisklivssentralen og Kreftforeininga til stades for å informera om kva dei kan bidra med, og ein viktig del av samlinga var å få fram kva behova til dei som er råka av brystkreft faktisk er.

– Ein fellesnemnar for dei som møtte var ynskjet om å få i gong noko meir konkret, og at gruppa skulle ha ein viss kontinuitet. Alle uttrykte også at det hadde vore eit sakn å ha nokon å snakke med, og alle hadde lyst å møtast igjen. Så det å laga gruppereglar blir tema for neste samling; kva skal vi gjera? Korleis skal vi gjera det? held Solli fram.

Ynskjer kontinuitet

Gruppa blir mellom anna omtala som ei sjølvhjelpsgruppe, og ideen er å få etablert denne så konkret at den ikkje blir personavhengig, men inngår som eit kontinuerleg tilbod for brystkreftråka i kommunen.

Likevel ser initiativtakarane at sjølvhjelpsgruppa kan vera til inspirasjon for personar som er råka av andre krefttypar, og stiller seg svært positive til å hjelpa andre i gong med liknande tiltak.

– 31. mai blir det ei oppfølgingssamling, der vi vil setje opp reglar i lag. Vi veit enno ikkje heilt kor det blir, men dei som ynskjer å vera med eller som har spørsmål, kan ta kontakt med meg, Astri eller Lina, seier Hilde, før ho legg til at dette også gjeld for folk som blir inspirert til å setja i gong med noko likande.

– Du treng nokon når du kjem heim òg