Salmon Eye er kome til Kvinnherad. – Operasjonen var vellukka.

Salmon Eye har blitt frakta av slepebåten Bestla på den nedsenkbare lekteren Carrier 8; ein 90 meter lang og 24 meter brei lekter. Carrier 8 har i følgje Torjusen ein bruttotonnasje på 3459 og 8000 dødvektstonn.

Salmon Eye har ein diameter på 25 meter og eit areal på 1000,6 kvadratmeter. Lakseauga veg 1256 tonn.

Ligg fint i vatnet

– Fredag vart brukt til førebuingar og laurdag morgon starta operasjonen med å senka flåten ned i sjøen, som fleire fekk med seg at skjedde i Herøysund. Fyllinga av lekteren starta under overfarten frå Husnes, og klokka halv tolv ble Salmon Eye trekt av lekteren slik at den fekk flyta fritt, melder Torjusen, før han held fram:

– Salmon Eye låg fint i vatnet, så alt av kalkulasjonar og utrekningar har vore gjort med høg presisjon. Operasjonen var vellukka.

Fortøyd utanfor Snilstveitøy

Salmon Eye vart dernest slept vidare av T/B Toranes til lokaliteten sin utanfor Snilstveitøy. Nothav har teke hand om fortøyingane.

– Det er mange som lurer på kvifor Salmon Eye er kvit. Dette er ein mellombels transportbeskytting for å sikre fasaden mot uønskte påkjenningar under transport. Denne blir resirkulert gjennom Grønt Punkt etter bruk, skriv han vidare i pressemeldinga.

Det står framleis att noko arbeid før visningsflåten er klar for avduking den 2. september. Eide Fjordbruk inviterer då til folkefest i Rosendal, kor dei mellom anna lovar konsert med fleire av landets fremste live-artistar.