Sakna mann funne omkomme i fjellsida: Må hentast ut med helikopter
Operasjonsleiar Knut Dahl-Michelsen opplyser at mannen som har vore på tur i Rosendalsfjella er funne.
Publisert
Sist oppdatert
«Ca kl 0700 i dag blei det gjort funn av ein person i fjellsida som er omkomme. Mannen ligg krevjende til og det har ikkje vore mogleg å hente mannen ut. Han må mest sannsynlig bli henta ut med helikopter og dette vil bli freista seinare i dag», skriv Dahl-Michelsen i ei pressemelding.
Ut frå observasjonane som er gjort så langt framstår dette som ei ulukke, og det kan tyda på at mannen har sklidd og falt ned.
Annonse
Pårørande er varsla.
Rundt klokka 03 i natt vart redningsoppdraget iverksett, der ressursar frå Røde Kors, Norsk Folkehjelp og Norske Redningshunder bidrog.
Mannen skulle gå frå Malmangernuten til Melderskin. Han la ut på tur fredag, og skulle ha vore heime att på søndags ettermiddag. Då han ikkje gav lyd i frå seg eller kom heim til avtalt tid, vart han meldt sakna.
