Så mykje får Kvinnherad i koronastøtte

Regjeringa fordel umiddelbart 500 millionar kroner gjennom den kommunale kompensasjonsordninga. Pengane skal hjelpa lokalt næringsliv gjennom ein ny periode med inngripande koronatiltak, skriv regjeringa i ei pressemelding.

– Den kommunale kompensasjonsordninga for lokale verksemder har vore viktig for å sikra verdiar og jobbar i heile landet. Regjeringa forsterkar difor ordninga med nye 500 millionar kroner som kommunane skal bruke til å støtta lokalt næringsliv gjennom krisa, seier kommunal- og distriktsminister Bjørn Arild Gram (Sp) i ei pressemelding.

Ytterlegare 500 millionar etter nyttår

Alle kommunane får minst 250.000 kroner kvar, mens resten blir fordelt etter talet på sysselsette i serverings- og overnattingsverksemder og reisearrangørar 1. kvartal 2021.

– Mange verksemder som på ny er råka av inngripande restriksjonar, opplever at reservane er brukt opp etter fleire rundar med nedstengingar. Dette er også ein ventilordning som kan brukast til å hjelpe de verksemdene som av ulike grunner fell utanom lønsstøtteordninga eller den generelle kompensasjonsordninga. Det er viktig at pengane kjem raskt ut til de lokale verksemdene som trengjer det mest, seier Gram.

Kommunane har med dette fått til saman over 3,5 milliardar kroner frå den kommunale kompensasjonsordninga for å hjelpa lokalt næringsliv. Regjeringa vil foreslå at Stortinget løyver ytterlegare 500 millionar kroner gjennom ordninga etter nyttår.

Så mykje får kommunane i Sunnhordland i koronakompensasjon: