Rykte ut til partnarvald

I tretida natt til laurdag rykte politiet ut til eit husvære i Kvinnherad, etter melding om partnarvald

– Me fekk melding om ei valdssak ein stad i Kvinnherad, mellom mann og kvinne, og me ser på det som partnarvald. Kvinna er den fornærma parten. Det er utført vald, sjølv om det ikkje er alvorlege skader. Patruljen vår var på plassen og i kontakt med begge partar. Dei skilde partane, og den eine av dei tok opphald ein annan plass, opplyser politistasjonssjef Sigurd Børve i samband med saka.