Rykkjer ned etter straffedrama
Det måtte straffespark til for å avgjera om Åsane og Synne Eide Bjørnebøle framleis skulle få spela fotball på øvste nivå.
Publisert
Sist oppdatert
Fyrste kvalifiseringskamp heime mot Bodø/Glimt onsdag enda med 0-0, og oddsen spela ikkje i Åsane sitt favør då dei reiste til Aspmyra laurdag for returkampen. Men bortelaget skåra allereie etter fem minutt og gjekk til pause med 1-0-leiing. Bodø/Glimt starta andre omgang kvassare og utlikna i det 53. minutt.
Synne sat på benken dei 90 fyrste minutta og blei bytta inn til ekstraomgangane. Ingen av laga klarte å skåra, og kampen måtte avgjerast på straffespark. Her var Bodø/Glimt klart best og Åsane må med det spela i 1. divisjon neste sesong, etter to år i toppserien.
