Rykka ut til dårleg oppførsel og bistand helse
Det einaste politiet har å melda frå om frå helga var dårleg oppførsel av ein gjest på Oktoberfesten på Sæbøvik natt til søndag. Likevel deltok politistasjonen på fleire utrykkingar.
Publisert
Sist oppdatert
Politiet vart kontakta natt til søndag på grunn av dårleg oppførsel.
– Det var ein gjest som oppførte seg dårleg på samfunnshuset på Sæbøvik. Der vart det arrangert oktoberfest. Førebels er det uklart om det vil bli oppretta sak, seier SIgurd Børve ved Kvinnherad politistasjon.
Annonse
Forutan denne hendinga hadde Børve lite å melda til avisa måndag morgon. Likevel var det ikkje ei heilt roleg helg for politiet i Kvinnherad.
– Me er no inne i ei tid som er prega av folk som slit litt psykisk, så det har blitt nokre utrykkingar i samband med helse. Politiet har hjelpe- og bistandsplikt, så me hjelper til i slike saker, fortel han.
Denne typen saker heng ifølgje politistasjonssjefen dels saman med årstidene, og hausten er ei tid der dei merkar større trykk.
– Det er no ein del bistand i samband med psykiatri, og nokre av desse ligg i grenseland mellom rus og psykiatri, sluttar han.
