Grenda vitja Sjethaug, onsdag 9. mars. Då hadde allereie 100 personar skrive seg i boka den dagen. Representantar frå russen var til stades for å ha halda kontroll med konkurransen: Lene Furdal, Helene Skjelnes Vågen og Mads Huke Hjelmeland tok godt i mot turgåarane.

Russen samla inn over 90.000 kroner

– Innsamlingsaksjonen gjekk veldig fint. Me fekk inn minst 90.000 kroner, og det var ein heil haug med turgåarar som gjekk, seier ein nøgd russepresident, Håvard Bruvik.

Jorun Larsen
Publisert Sist oppdatert

Førre veke stelte Kvinnheradrussen 2022 i gong innsamlingsaksjon til inntekt til Kreftforeningen. Pengane dei no har samla inn er øyremerkt til fokus på kreft med spreiing.

Frå måndag 7. mars til søndag 13. mars inviterte russen turgåarar til turmåla Sjethaug, Ådnaklett og Kaldestadåsen.

– Det var 105 personar som gjekk til Ådnaklett, 246 gjekk til Sjethaug og 487 gjekk til Kaldestadåsen. Bedriftene me hadde avtale med betalte fem kroner for kvar turgåar som skreiv seg i bøkene i løpet av denne perioden. På dette fekk me dermed inn om lag 30.000 kroner, fortel Bruvik.

Lite kull, men size still doesn't matter

Russepresidenten sat sjølv på Kaldestadåsen på onsdagen, og helsa velkommen rundt 50 turgåarar berre mellom klokka 16-19. Han er såleis trygg på at mange fleire gjekk turen enn det tale som vanlegvis har ærend på nemde ås.

Russen var tilstades ved alle dei tre turmåla onsdag 9. mars, og dei som snøra på seg turskoa denne dagen kunne også bli med på konkurranse. På konkurransen fekk russen inn om lag 10.000 kroner.

– Så gjekk me jo også frå dør til dør på søndagen. Der fekk me inn rundt 50.000 kroner på Vipps. Dette er veldig bra, for me er jo eit lite kull, og dei pleier vera dobbelt så mange som går, fortel Bruvik vidare, før han legg til:

– Me hadde ingen ambisjon om kor mykje me skulle få inn, utanom sky is the limit. Så no er me veldig nøgde.

utdanning trim og trening skular sjukdom rosendal nyhende medisin og helse kvinnherad vidaregåande kvinnherad
Powered by Labrador CMS