Rusa mann blei stoppa i trafikkontroll

Laurdag kveld mellom klokka 20 og 21.30 hadde UP trafikkontroll i 50-sona ved Gjerde på Løfallstrand.

– Det blei skrive ut eitt forenkla førelegg, og gjort eitt førarkortbeslag, fortel Sigurd Børve ved Kvinnherad politistasjon.

Mannen som mista sertifikatet sitt, som var utanlandsk og i 40-åra, køyrde i 77 km/t i 50 -sona.

– Dessutan var det mistanke om at mannen var påverka av alkohol, noko som blei bekrefta. Politiet har dermed oppretta sak både for fart og promillekøyring, sluttar Børve.