Rulleparken tar form
No er det berre asfaltlegging som står mellom rulleparken i Uskedalen og full aktivitet.
Publisert
Sist oppdatert
– Dette blir storvegs. Det kjem til å syda med aktivitet her, seier Per Korsvold og ser utover tonna med grus som er i ferd med å bli forma til ein pump track-bane som gir rulleklare barn og ungdommar fjerne blikk og vatn i munnen.
Begeistra ungdom
Annonse
To tsjekkiske syklistar er med og laga til banen saman med Ove Roen-Grøndal frå Trail Head, som har fagansvaret.
– Det er fagfolk som kan dette, og som veit kva ein vil ha på eit slikt anlegg.
Pump track-en blir laga slik at det skal passa for det meste som går på hjul.
– Skatebrett, sykkel, sparkesykkel, rulleskøyter, og på vinteren ser me for oss å bruka det som balansetrening på rulleski. Det blir ein rullepark for alle. Alle har ein sykkel, bruker Korsvold som eksempel.
Annonse
– Har dei laga sving? Og eit dropp inn der? spør Per Håkon Korsvold og peiker på ein av kurvane som er bygd opp.
– Dette er blir heilt supert! No gler eg meg, ropar han begeistra og strammar grepet om sykkelstyret.
– Kven har teikna banen?
– Teikningane er inni hovudet hans, seier Korsvold og nikkar mot Ove Roen-Grøndal.
– Han ville ha dei ytre måla på området, og så har han laga det derifrå. Dei kan dette, desse tre, og veit kva som fungerer og er utfordrande for brukarane. Me får ein spennande, litt krevjande og kjekk rullepark som vil passa til mange, slår Korsvold fast.
God hjelp
Annonse
Rulleparken er ein del av eit større prosjekt som tar mål av seg til å auka aktivitetstilboda ved kunstgrasbanen i Uskedalen.
– Me har vore heldige og fått låna maskinar frå Brødrene Musland Maskin, medan Dimmelsvik Entreprenør har køyrt grusen for oss. Og sidan dette er eit så positivt tiltak, så har me fått til ein god pakke med Hardanger Rock, som har levert materialet.
Finansieringa er i stort monn gjort av gåver frå Sparebank-1 stiftinga Kvinnherad og gåve frå Sparebanken Vest, samt spelemidlar.
– I tillegg må me stilla med litt eigeninnsats i form av dugnadstimar og kroner for å koma i mål, seier Per Korsvold som er prosjektleiar for rulleparken.
Her skal det også asfalterast, vonleg innan to vekers tid.
I tillegg til å pump tracken, lagar dei til ein fast trearbane på 10×15 meter med vant rundt som det kjem kunstgras på
Annonse
– Det er laga til slik at ballbingen kan isleggjast på vinteren. Eg trur det kan bli ein populær plass for både små og litt større, trur Korsvold om biproduktet av Rullebanen som no tar form.
