Rosendal Trim opnar dørene att
Frå og med i dag, 7. januar, har innbyggjarane i Rosendal og omegn igjen høve til å kome i form på sitt lokale treningsstudio.
Publisert
Sist oppdatert
Styret i Rosendal Turnlag valde 14. desember å stenge dørene til treningssenteret i Rosendal, i samband med koronasituasjonen. Når dei no opnar opp att dørene, er det med ei sterk oppmoding om at folk tek omsyn til smittevern.
– Vi ber innstendig om at alle føl koronavettreglane våre, det er gjennom at alle føl opp desse at vi kan halde ope. Og aller viktigst, hald deg heime om du ikkje er frisk! skriv laget på si Facebookside.
Annonse
Reglane dei siktar til seier mellom anna noko om kor mange som kan trene i dei ulike avdelingane samstundes, og kor stor avstand ein skal halda til einannan. Handhygiene og godt reinhald av apparata ein nyttar vert også trekt fram.
I koronavettreglane kjem det tydeleg fram at ein berre kan møte opp på trening dersom ein er symptomfri. Som avslutning på den glade nyheita, helsar Rosendal Trim:
– God trening alle!
