Rosa sløyfe-aksjon i Rosendal

– Sjansen for å overleva og å leva eit godt liv etter brystkreft blir stadig betre. Mest av alt på grunn av forsking, og fokus i Rosa sløyfe-månaden er at forsking nyttar, melder Astri Måkestad i Kreftomsorg i Kvinnherad.

Gruppa Kreftomsorg i Kvinnherad vil i samarbeid med Brystkreftforeningen Ullensvang og omegn ha Rosa sløyfe-arrangement i Rosendal laurdag 19. oktober. Det vert stand på Varehuset og ved bankbygget, der dei vil selja ymse effektar til inntekt for aksjonen og dela ut informasjon om brystkreft.

Rosa sløyfe-marsjen går frå bankbygget til Vangssago. Der vil Capojentene underhalda med song og Per Korsvold skal ha appell.

Dagens tal er at ei av ti norske kvinner utviklar brystkreft. Mange av desse kvinnene blir kreftfrie, men det er ikkje sikkert at dei blir friske. Dei lever med følgjene av sjukdommen, med biverknader og seinskadar etter behandlinga, påpeikar Brystkreftforeningen i samband med aksjonen.

Søndag 20. oktober skal det også arrangerast Rosa Sløyfeaksjon på Hatlestrand.

– Me oppmodar heile Kvinnherad til å støtta opp om viktig sak, sluttar Måkestad.