Rosa klede for Rosa sløyfe-aksjonen
I samband med Rosa sløyfe-aksjonen arrangerte russen ved KVV ein rosa-dag på skulen torsdag. Alle elevane vart oppmoda om å ta på seg rosa klede denne dagen, og den oppmodinga var det mange som følgde.
Publisert
Sist oppdatert
Onsdag støtta KVV-russen kreftforeininga sin Rosa sløyfe-aksjon. Og støtta viste dei på ulikt vis: Russen og omtrent alle elevar ved skulen var kledd i rosa. I tillegg var kantina festpynta med blant anna rosa ballongar. Det var god stemning då Grenda var innom ved lunsjtider.
Omsorgsfull russ
Annonse
Visepresident Siri Furdal (17) fortalte følgjande om Rosa-dagen:
– Denne dagen er jo for å vise vår støtte til kreftforeininga, for det er verkeleg ei viktig sak. I det høve annonserte me gjennom sosiale medium at alle elevane måtte kle seg i rosa, og det har dei aller fleste gjort, noko som er veldig kjekt, smilte ho og la til:
– I tillegg til å støtta ein viktig sak får me jo gjort noko kjekt saman her på skulen. Me har laga pizza og bakt kaker og muffens, og pengane går til inntekt for kreftforeininga. I tillegg skal me ha ein Kahoot-quiz.
Uansett kor ein såg var det rosakledde ungdommar i alle nyansar denne føremiddagen. Nokon hadde teke den heilt ut, som mellom anna Sigurd Nilsen og Storm Uppheim.
Annonse
– Det er kjekt å kle seg ut, men enno kjekkare å støtta ein så viktig sak, konkluderte gutane.
