Ronan Keating kjem til lokal festival
Den irske stjerna Ronan Keating, kjend frå eit av 90-talets største boyband, skal gjesta årets tysnesfest.
Publisert
Sist oppdatert
Ronan Keating starta som vokalist i boybandet Boyzone i 1993, og debuterte som soloartist i 1999. Solokarriera fekk ein knallstart med singelen «When You Say Nothing at All» som vart brukt i filmen «Notting Hill». Songar som «Life Is a Rollercoaster», «Lovin ` Each Day», «If Tomorrow Never Comes» og mange fleire har fått mykje tid på radio, og nådd høgt på listene her heime i Norge, skriv arrangøren i ei pressemelding.
Ronan Keating har selt drøyt 22 millionar album som soloartist, i tillegg til over 20 millionar med Boyzone.
Annonse
Arrangøren legg til at det er herleg å kunna koma med nyheiter om neste Tysnesfest.
– I ein januarmånad med regn, slaps og korte dagar er det utruleg herleg å kunna koma med litt smådrypp om kva som kjem til Tysnes i sommar. Sol og fint vêr, allsong og god stemning, lokkar arrangøren.
I tillegg til Ronan Keating er ti andre artistar så langt lanserte til festivalen, mellom anna TIX og Kjartan Lauritzen.
Tysnesfest 2022 går av stabelen 6. – 10. juli.
